Agradecementos

Como dicimos aquí: ‘Pasou o día, pasou a romería!’

Despois de meses de traballo e coas complicacións típicas de última hora, podemos afirmar que a XXIX edición do Cross Párroco Don Camilo foi todo un éxito. E foi un éxito grazas a tod@s vos 🙂 Sen o patrocinio dos colaboradores e sen a ilusión d@s participantes todo o noso esforzo non valería para nada. Así que agora dende a ANPA do CEIP Plurilingüe Párroco Don Camilo só nos queda dar as GRAZAS! en maiúsculas por formar parte un ano máis desta pequena ‘aventura’ na que nos mergullamos de novo.

Podedes ver os resultados de tódalas categorías na pestana ‘Resultados‘. Ah! Non deixedes de botar un ollo ás fotos do Cross, seguro que vos atopades 😉 … e tamén atoparedes ó alcalde de Vigo, Abel Caballero, que arañou un oco na súa axenda para vir a entregar medallas a gañador@s de diversas categorías.

Vémonos no XXX Cross Párroco Don Camilo!

Información XXIX Cross Párroco Don Camilo: reglamento, categorías, horarios

Información Cross Parroco Don Camilo

Deixámoste toda a información sobre o noso Cross con ‘pelos e sinais’ para que non te quedes con ningunha dúbida: reglamento, categorías, distancias e horarios para o domingo 15 de abril. Igualmente, podes contactar con nós para o que precises a través do noso teléfono 686 549 924 e o noso email anpaparrocodoncamilo@hotmail.com

  1. Reglamento

– A Anpa do CEIP Plurilingüe Párroco Don Camilo, en colaboración co Concello de Vigo, Comesaña Sporting Club e a Agrupación Xóvenes Atletas, organiza o XXIX Cross Escolar Párroco Don Camilo, que se celebrará o día 15 de Abril de 2018 a partir das 10:30 horas no propio centro escolar, así como nos arredores do mesmo.

Continue reading →

Conta atrás para o XXIX Cross Párroco Don Camilo

En menos dun mes estamos coas zapatillas postas e o noso dorsal nas costas para comezar o XXIX Cross Párroco Don Camilo. Se queres máis información só tes que poñerte en contacto con nós e axudarémoste.  Anota o 15 de abril na axenda!

Neste blogue iremos actualizando pouco a pouco tódolos datos que necesites: como inscribirte, qué percorrido terá, que categorías haberá, cal será o horario de saída de cada categoría… Permanece atento a www.crossparroco.es para estar actualizado sobre todo o que ocorre no XXIX Cross Párroco Don Camilo 🙂

Primeiros colaboradores

Damos a benvida ós nosos primeiros patrocinadores! 🙂

Pouco a pouco iremos enchendo a nosa sección Colaboradores cos logos de tódalas empresas que aportan o seu graniño e area para que a XXIX Edición do Cross Párroco Don Camilo sexa un evento tan exitoso coma de costume.

Grazas a todos pola vosa colaboración!

Se tí tamén queres participar no XXIX Cross Párroco Don Camilo dalgún xeito, non dubides en contactar coa ANPA do CEIP Plurilingüe Párroco Don Camilo a través do email anpaparrocodoncamilo@hotmail.com ou o teléfono 686 549 924 .

Fainos a túa proposta. Somos todo oidos 😉

 

Queres colaborar co XXIX Cross Párroco Don Camilo?

Estupendo! Só tés que poñerte en contacto coa ANPA do CEIP Párroco Don Camilo:

–Persoalmente: No local da ANPA en horario de martes de 9.00 a 10.00h e xoves de 16.00 a 17.00h

-Por teléfono: 686 549 924

-Por email: anpaparrocodoncamilo@hotmail.com

Calquer aportación será de gran axuda: un agasallo para sortear ó final do cross, aportación económica para compra de avituallamento ou trofeos…Todo suma 🙂

Grazas de antemán!